SBI Asha Scholarship 2025 : શાળા થી વિદેશ અભ્યાસ સુધી, જાણો કેવી રીતે મેળવશો ફાયદો
રાષ્ટ્રીયકૃત બેંક સ્ટેટ બેંક ઓફ ઇન્ડિયા (SBI) તેના પ્લેટિનમ જ્યુબિલી ઉજવણીના ભાગરૂપે દેશના મેધાવી પણ આર્થિક રીતે નબળા વિદ્યાર્થીઓ માટે એક મોટી સ્કોલરશિપ યોજના શરૂ કરી છે. SBI ફાઉન્ડેશન દ્વારા ચલાવવામાં આવતી આ ‘આશા સ્કોલરશિપ’ વિદ્યાર્થીઓને તેમનો અભ્યાસ પૂરો કરવામાં આર્થિક અંતરાયો ન આવે તે માટેની મદદરૂપ થઈ પડે છે . જો તમે ધોરણ 9 થી 12 માં અભ્યાસ કરો છો, તમે ગ્રેજ્યુએશન કે પોસ્ટ-ગ્રેજ્યુએશન કરો છો, IIT/IIM ના વિદ્યાર્થી છો, મેડિકલનો અભ્યાસ કરો છો અથવા વિદેશમાં અભ્યાસનું સપનું જોતા હોવ, તો પણ આ SBI સ્કોલરશિપ 2025 તમારા માટે જ છે . ચાલો, વિગતવાર જાણીએ.
SBI Asha Scholarship 2025 ના મુખ્ય ફાયદા શું છે?
આ સ્કોલરશિપમાં પાત્ર વિદ્યાર્થીઓને તેમના અભ્યાસના સ્તર અને કોર્સ મુજબ વાર્ષિક આર્થિક સહાય મળે છે, જે તેમના કોર્સ પૂરો થાય ત્યાં સુધી ચાલુ રહે છે . સહાયની રકમ નીચે મુજબ છે:
ધોરણ 9 થી 12 ના વિદ્યાર્થીઓ માટે:
- સહાય રકમ: ₹15,000 સુધી વાર્ષિક.
ગ્રેજ્યુએશન અથવા પોસ્ટ-ગ્રેજ્યુએશનના વિદ્યાર્થીઓ માટે:
- સહાય રકમ: ₹75,000 સુધી વાર્ષિક.
IIT (ઇન્ડિયન ઇન્સ્ટિટ્યૂટ ઓફ ટેકનોલોજી) માં અભ્યાસરત વિદ્યાર્થીઓ માટે:
- સહાય રકમ: ₹2 લાખ (2,00,000) સુધી વાર્ષિક.
મેડિકલ ક્ષેત્ર (એમબીબીએસ, બીડીએસ, વગેરે) ના વિદ્યાર્થીઓ માટે:
- સહાય રકમ: ₹4.50 લાખ (4,50,000) સુધી વાર્ષિક.
IIM (ઇન્ડિયન ઇન્સ્ટિટ્યૂટ ઓફ મેનેજમેન્ટ) માં અભ્યાસરત વિદ્યાર્થીઓ માટે:
- સહાય રકમ: ₹5 લાખ (5,00,000) સુધી વાર્ષિક.
વિદેશમાં પોસ્ટ-ગ્રેજ્યુએશન અથવા ઉચ્ચ અભ્યાસ માટે:
- સહાય રકમ: ₹20 લાખ (20,00,000) સુધી વાર્ષિક.
કોણ અરજી કરી શકે છે? (પાત્રતા)
આ સ્કોલરશિપ માટે અરજી કરવા માટે નીચેની શરતો પૂરી થવી જરૂરી છે:
- રાષ્ટ્રીયતા: અરજદાર ભારતીય નાગરિક હોવો જોઈએ.
- શૈક્ષણિક ટકાવારી: વિદ્યાર્થીએ પાછલા વર્ષમાં ઓછામાં ઓછા 75% ગુણ અથવા 7.0 CGPA મેળવ્યા હોવા જોઈએ.
- કુટુંબનું વાર્ષિક આવક: શાળાના વિદ્યાર્થીઓ માટે આવક 3 લાખ રૂપિયા અને કોલેજ/વિશ્વવિદ્યાલયના વિદ્યાર્થીઓ માટે 6 લાખ રૂપિયાથી વધુ ન હોવી જોઈએ.
- શિક્ષણ સંસ્થા: ગ્રેજ્યુએશન/પોસ્ટ-ગ્રેજ્યુએશનના વિદ્યાર્થીઓની સંસ્થા NIRF રેન્કિંગની ટોચની 300માં અથવા NAAC ‘A’ ગ્રેડ ધરાવતી હોવી જોઈએ. વિદેશમાં અભ્યાસ માટે યુનિવર્સિટી QS/WTHE રેન્કિંગની ટોચની 200માં હોવી જોઈએ .
SBI Asha Scholarship 2025 માટે અરજી કેવી રીતે કરવી? (પ્રક્રિયા)
અરજીની પ્રક્રિયા સંપૂર્ણ રીતે ઓનલાઈન છે. નીચેના steps અનુસરો:
- સૌપ્રથમ અધિકૃત વેબસાઇટ sbiashascholarship.co.in પર જાવ.
- હોમપેજ પર ‘Apply Now‘ બટન પર ક્લિક કરો.
- તમારો મોબાઈલ નંબર, ઈ-મેઈલ અથવા Google એકાઉન્ટ વડે રજિસ્ટ્રેશન/લોગિન કરો.
- ‘Start Application‘ પર ક્લિક કરીને ફોર્મ ભરવાનું શરૂ કરો.
- તમારી વ્યક્તિગત માહિતી, શૈક્ષણિક માહિતી અને બેંકની વિગતો ભરો.
- જરૂરી દસ્તાવેજોના સ્કેન કૉપી અપલોડ કરો.
- ફોર્મની તપાસ કરીને ‘Submit‘ બટન દબાવો.
અરજી કરતી વખતે નીચેના દસ્તાવેજો તૈયાર રાખવા જરૂરી છે:
- પાછલા વર્ષની માર્કશીટ
- સરકારી ID પ્રૂફ (આધાર કાર્ડ)
- કુટુંબની આવકનો પુરાવો (આવક પ્રમાણપત્ર / સેલરી સ્લિપ / ફોર્મ-16A)
- ચાલુ વર્ષનો પ્રવેશ પુરાવો (એડમિશન લેટર/કોલેજ આઈડી)
- ચાલુ વર્ષની ફીની રસીદ
- બેંક ખાતાની વિગતો
- તાજેતરનો ફોટો
- જાતિ પ્રમાણપત્ર (જો લાગુ પડતું હોય)
- અરજી શરૂ: 19 સપ્ટેમ્બર, 2025
- અરજીની અંતિમ તારીખ: 15 નવેમ્બર, 2025
SC/ST વર્ગના વિદ્યાર્થીઓને પાત્રતા માપદંડમાં 10%ની છૂટ આપવામાં આવે છે. આ ઉપરાંત, કુલ સ્કોલરશિપમાંથી 25% સીટો SC/ST વિદ્યાર્થીઓ માટે અને 50% સીટો છોકરીઓ માટે અનામત રાખવામાં આવી છે.
નોંધ: આ માહિતી SBI ફાઉન્ડેશનની અધિકૃત વેબસાઇટ પરથી એકત્રિત કરવામાં આવી છે. અરજી કરતા પહેલા અધિકૃત વેબસાઇટ sbiashascholarship.co.in પરથી સંપૂર્ણ માહિતી અને સૂચનાઓ ચકાસી લેવી જોઈએ.
Disclaimer: આ બ્લોગ પોસ્ટ માત્ર માહિતી માટે છે. સ્કોલરશિપ સંબંધિત તમામ અધિકૃત માહિતી અને અપડેટ્સ માટે કૃપા કરીને SBI ફાઉન્ડેશનની અધિકૃત વેબસાઇટ sbiashascholarship.co.in ચેક કરો.
